ليه الدستور ...؟!

تنبيه هام : الحدق يفهم

في تلك الاجواء الديموقراطيه ( جدا) . وفي ظل حرية الكلمه (جدا) . وتحت لواء الصحافه الحره( قوي) . برزت مجموعة من جرائد معارضه وكان على رأس تلك الجرائد والصحف جريدة الدستور اليومي منها والاسبوعي وخاصة الاسبوعي وهي الجرائد التي تحقق اعلى نسبة مبيعات وهي بذلك قد تغلبت على الجرائد المواليه للنظام والموافقه على فكره ومنهجه والمستفيده من دعمه لها . وفي تلك المواجهه بين الجرائد المواليه والمعارضه . نجد المعارضه و قد تغلبت على المواليه على الرغم من تلك القيود المفروضه على كلمات الصحفيين بالجرائد المعارضه وتلك التلاكيك العجيبه المفروضه عليهم . والقضايا التي يرفعها عليهم احد المواطنين ( الغيورين ) على هذا الوطن . ورغم الصفو العام الذي تكدر , والسلام الاجتماعي الذي تهدد . نجد ان الصحفيين المعارضين ثابتون على مبادئهم مستمرون في معارضتهم . صحفيون كبار وناشطون سياسيون ومفكرون وادباء كبار ينشورن اعمالهم في جرائد المعارضه ودائما ما تكون على رأس الصحف المعارضه او كما نقول المعارضه قوي جريدة الدستور والتي مهما تعرض رئيس تحريرها ( ابراهيم عيسى ) لقضايا واتهامات ومحاكمات وتحقيقات ثابت على رأيه وعلى معارضته تطالعنا مقالته اليوميه في جريدة الدستور اليومي واسبوعيته في جريده الدستور الاسبوعيه وداخل صفحات الجريده نجد اسماء كبيره لها وزنها من مفكرين سياسيين وصحفيين كبار وناشطين سياسيين على سبيل المثال لا الحصر ( فهمي هويدي - عبدالوهاب المسيري - عبدالحليم قنديل - ايمن نور - البدري فرغلي )

بعد المقدمة الطويله العريضه دي والتي كان لابد منها .

ندخل على الموضوع ليه الدستور ..؟ ليه حضرتك بتجيب الدستور اليومي او الاسبوعي ؟

ليه انا لو نزلت متأخر عشان اجيب الدستور في يوم اقعد ادور عليه في البلد كلها لانه بيكون خلص ..؟

ايه بقى اكتر صفحه بتعجبك في الدستور الاسبوعي ؟

ايه اكتر مقال ثابت اول ما بتجيب الجرنال لازم تقراه ؟

مين اكتر صحفي بتحب تقراله في الدستور ؟

لو انت جاتلك فرصه انك تكلم صحفي في الدستور هيكون مين وهتقو له ايه ؟

واخيرا .. ايه اللي نفسك انه يتطور في الدستور ؟

انا كتبت الموضوع دا من دافع احترامي وحبي لجريدة الدستور و عايز اشوف رأي الناس فيه ايه يا ترى زيي ولا اكتر ولا اقل فا يا ريت المدونه دي ما فيش عليها اقبال يا ريت لو في مدونه عليها اقبال تاخد الموضوع دا وتنشره فيها وشكرا جدا