الجمعة، 14 مارس، 2008

السبت، 8 مارس، 2008

أمير المخبرين
تهت عن بيت صديقي، فسألت العابرين ،
قيل لي امش يسارا، سترى خلفك بعض المخبرين ،
حد لدى أولهم ، سوف تلاقي مخبرا يعمل في نصب كمين،
اتجه للمخبر البادي، أمام المخبر الكامن،
واحسب سبعة ، ثم توقف،
تجد البيت وراء المخبر الثامن في أقصى اليمين ؛
سلم الله أمير المخبرين ،
فلقد أتخم بالأمن بلاد المسلمين ،
أيها الناس اطمئنو، هذه أبوابكم محروسة في كل حين ،
.فادخلوها بسلام آمنين

قصيده لاحمد مطر بتعبر عن حاجه شوفتها

الخميس، 6 مارس، 2008

في ظل الحكومه المميزه

في ظل الحكومه المميزه نعرض بعض الصور لكل ما هو مميز في البلد المميزه ديانا مبعرفش ارسم بس لو كنت اعرف كنت رسمتها زي مانا شايفها بس يا ريت لو حد بيعرف يرسم يرسمهاالرغيف المميز : السعر ربع جنيه الحاله نفس حالة العيش العادي بس من غير اعقاب السجائر والاعواد الخشبيه ولكن السمات الشكليه من السواد والتفحم هيا هيا والطعم هوا هواالاتوبيس المميز : ولله الحمد مفيش اي تميز غير ان الكراسي ضيقه جدا والمسافات بينها ضيقه جدا ولما بقف فيه بوطي دماغي عشان السقفالتعليم المميز : انا بصراحه معرفش عنه حاجه غير اللي سمعته من القاهره اليوم امبارح وانها متميزه في مصاريفها بس الحكومه المميزه : حكومه نظيفه طويله عريضه الكترونيه مهلبيه حمصيه عسليه واي حاجه بربع جنيييييييييهالحاكم المميز : والحاكم المميز يا ساده يا كرام لازم يكون طويل وعريض برضه وشخصيه عسكريه وكرشه كبير وفلوسه كتير وارصدته كتير وحسن المظهر ومش مهم الجوهر ويتقن لغتين عالأقل ويتقدم بالطلب مع ختم من الحزب التابع له على الا يكون من المطربشين ( على رأي طه حسين)

الأربعاء، 5 مارس، 2008

نزلني هنا يا اسطى والفاتوره وحياتك

بما ان اي مواطن بيقدم خدمه لمواطن مقابل اجر لازم يديله فاتوره انا جربت اعملها وبما اني مواطن وسواق الميكروباص هو كمان مواطن و(مواطن على مواطن ما يضحكش) وانا بدي للتباع الاجره اللي هي ربع جنيه قولتله وحياتك فاتوره قاللي ايه قولتله تذكره وكان في واحد عجوز جنبي ابتسم ابتسامه كبيره وانا كمان كنت هضحك بس قلت اما اخليها للاخر المهم التباع قال للسواق شوف الراجل ده عايز ايه انا سقت فيها بالقوي بقى وقولتله عايز فاتوره انت مش قدمتلي خدمة هاتلي فاتوره السواق حاله حال كل المصريين اتعصب بسرعه وكان نازل ينزلني من الميكروباص الراجل اللي كان جنبي العجوز ده قالله ده هو بيهزر وانا كمان قولتله والله بهزر المهم السواق نزلني من الميكروباص ووصلت مشواري متأخر على ما اخدت ميكروباص تاني وانا متأكد ان السواق ده مش هيركبني العربيه دي تاني

نصيحه لكل مواطن مصري شريف عفيف كريم عبدالرحيم ما تسكتش على حقك في الفاتوره يا مواطن حتى مع سواق الميكروباص والتاكسي

الثلاثاء، 4 مارس، 2008

عندما قال لي ظابط الامن المركزي ( خليك في حالك)

امبارح وانا رايح الكورس على عادتي لقيت عند منطقه في المحله ( اسمها السبع بنات ) فيما لا يرى النائم وانما فيما يرى ( المنحوس)
ما هو اكثر من 10او 15 عربيه امن مركزي الى جانب عربيتين مطافي بسأل بكل رخامه وتباته وحب استطلاع المواطن المصري : هو في اضراب ولا اعتصام انا قولتها في الاول بصوت واطي لان صوتي اصلا واطي عليت في صوتي بعد تلاته ايه هو في اضراب من عمال الشركه ( شركة مصر للغزل والنسيج لانها الشركه الوحيده في المحله كلمة شركه بتعرفها علطول) لان الطريق ده اصلا قريب اوي من شركة مصر للغزل والنسيج قاللي : خليك في حالك

ما هو ده مش حالنا ولا ايه يا جدعان
والغريبه ان اي مظاهرات بيكون فيها مطافي وامن مركزي مبيكونش فيها اسعاف عشان نقل المصابين من المتظاهرين يعني اللي يتصاب يموت او تحصله عاهه عشان يكون عبره

الأحد، 2 مارس، 2008

الملاعين

الملاعين
ملعونة يا بلد كل ما فيها على أمره مغلوب
وملعون يا اللي بالرصاص ترد عالطـــوب
ملعونة يا غربه جوه البلد و عالــــــــدرو
بملعون يا كلام من غير فعل تسرق القلوب
ملعون يا درس خصوصي تنحل في الجيوب
..ملاعين..
ملعونة يا عصاية شاويش تنزلي عالضلوع
ملعون يا صوت بالشخطه فينا مرفوع
ملعونة يا ارض للعدل نبتك مقلوع
ملعون يا نور عالحرية ممنــــــــوع
ملعون يا سقف مصيره عالغلابه الوقوع
..ملاعين..
ملعونة يا جرافة تهد في البيوت
ملعون يا مدفع بيك آلاف بتموت
ملعونة يا طياره تضرب وتفوت
ملعون يا رصاص تخرس الصوت
ملعونة يا حرب ملعون يا احتلال
ملعون يا صمت ملعون يا سكوت
..ملاعين..
ملعونة يا بلد ابنك فيكي غري
بملعونة يا عبارة تغرق بالحبيب
ملعونة يا عماره يموت فيكي القريب
ملعون يا كف مخبر حجمك عجيب
ملعونة يا سلطه في ايد سفاح رهيب
..ملاعين..
ملعونة يا كلمه في مؤتمر شباب
ملعونة يا كلمة رحمه في بلد العذاب
ملعونة يا كلمه سراب في سراب
ملعون يا كلام أغاني حزب الأحزاب
ملعون يا كلام حاوي طلع من الجراب
..ملاعين..
ملعون يا درس خصوصي في كل المواد
ملعون يا تعليم قايم عالخصوصي وانجح يا واد
ملعونة يا ورقة اجابه والدرجة على قد السواد
ملعونة يا حصة فيزيا بكام عشره جنيه
ملعون يا كتاب مدرسه عايز خريطة عليه
ملعون يا امتحان حفظ من غير فهم فيه
ملعون يا معمل كيميا بقى مخزن للمدير البيه
..ملاعين..
دلوقتي ملعونة كلمة حق
ملعون كمان اللي يقولها
ملعون أي حد ينشرها
ملعون كمان اللي يصدقها