في الفتره الاخيره الاسبوعين الماضيين اثارت مشكلة زيادة الاسعار غضب شريحه كبيره جدا من العمال فا حكومتنا( حكومة الحزب الوطني ) الرشيده اطال الله بقائها وثبت خطاها قولوا آمين تفتق زهنها عن حل يكفل للمواطن المصري ان يعيش حياة كريمه ويضمن ان الحزب الوطني تزيد شعبيته عند كل اللي مش طايقينه ايه هو الحل دا طبعا مش العلاوه لواحدها ولا ان امبراطور الحديد يعلي السعر للطن 620 جنيه مره واحده يزيد معاه بقية السلع الاساسيه خالص دا برضه جزء من الحل بقية الحل كله والعبقريه كلها جاي لسه
من الاول عشان اللي نام مني ( الاسعار زادت ===> تنزل العلاوه ====> ولا نسأل فيها والاسعار تزيد اكتر ====> ينزل بقى ملايكة النجده بتوع الحزب الوطني ينزلوا سلع اساسيه بسعر ارخص للجمهور عشان اللي مش لاقي اللضى ( بقوا كتير اوي ) ويبيعوها تبع الحزب بالاسعار الجديده الرخيصه اللي هيا ارخص من السوق في الوقت اللي الحكومه لغت فيه الدعم عن البنزين عشان الدنيا تولع اكتر ) اللي فاهم حاجه يفهمني لما الحكومه مش لاقيه ميزانيه عشان ال30% العلاوه وزودت اسعار البنزين الحزب الوطني بقى جاب ميزانيه عشان السلع اللي بسعر اقل دي منين ولا الحكومه مش تبع الحزب والحزب مش تبع الحكومه
وصباح الخير يا حزب وصباح الخير يا حكومة الحزب والله الموفق
هناك ٨ تعليقات:
وعندك أول وأجمد نقطة من مواجهاات باشا
إية ياعم عاملى فرح سيادتك ولا عاملى فيها بتفكر وبتااع ودة جة منين ورايح لفين ومش عارف إية
هى العيال ناقصة لخبطة دمااغ كفاية ناااار البنزين الواحد مبقاش عارف ياكل ولايأكل العربية دى حوسة والله
آة بالمناسبة أنا مش زعلانة ولا متضايقة منك ولا حاجة انا مش مكلكعة ولو عاوز اى حاجة من كسااب أؤمر بس
بييييييييس
أنا مين .. إمتى ..كام فين؟؟
إيه اللى بيحصل ده إيه اللى أنا شايفة ده؟؟
الواحد أصلا دماغه مهيسة من الإمتحانات وإنت جيت دربكتها أصلا
ولا كله كوم والبنزين اللى ولع ده كوم
تركب ميكروباص وتديله الأجرة يبصلك التباع بمنتهى القرف ويقولك الأجرة زادت.. والأتوبيس .. الأجرة زادت.. وحتى التاكسيات .. فاضل جنيه يا أبلة
أنا متهيألى حتى لو فكرت أمشى على رجلى رجلى مش هترضى تمشى غير لما أديها فلوس
دعاء مواجهات لا اسم على مسمى فعلا ايه المواجهات دي كلها عاملك فيها بفكر ايه بس انا من انصار حزب عيش ...... تموت بهدوء
اكيد مش مكلكعه وكويس انك مش متضايقه وبالنسبه لكساب سايبينك للتقايل يا مواجهات
بييييييييييييييييييييس اند سي يو
ميوشه ام النجاح كله اللي ان شاء الله هتجيب امتياز السنه دي
الله يكون في عونك على الامتحانات وعلى تهييس الامتحانات ويكون في عوني انا كمان ادعيلي وخلي ام صلاح تدعيلي
البنزين اه ولع والاجره زادت والحياه حلوه بس نفهمها احنا بقى او انا عن نفسي يعني غبي مش عارف افهمها وايييييييييييييييييييييييييييه
بالنسبه لرجلك امشي معاها بنظام سيف المعز ودهبه وهيا هتمشي معاكي علطول او روحي للمحافظ وقوليله ينزل تعريفه للرجلين عشان ما تستغلناش
انا لسه راجع من بره والحاله معايا جايبه الوان والخناقات مع السواقين بالهبل
السلام عليكم ورحمة الله وبركاته
أحنا بقينا في بلد السياسة تدار بمعدلات فيزيائية لم يخترع لها قواعد ثابته
يعني حزب حكومة شعب أسعار كله داخل معادلة فيزيائية ملهاش قوانين ولا قواعد او يمكن ليها لكن من الأسرار العليا
تحياتي
طبعا بما انى واحده من اربعه جابوا الاستفتاء اكيد عرفت رأيى
عموما
الاستفتاء جميل جدا جدا
وسانقله عندى بعد نهايه الحوارات فى التدوينه
شكرا لك
وكفايه عليك كده
ارجو ان تتركنا وتذهب الى مذاكرتك
مش بطردك
ولكن
حرصا عليك
الشاى جميل فين الشيشه ؟؟؟؟؟؟؟؟؟؟؟
الاخ الفاضل ا/عبدالله
انا شاركت فى الاستبيان وقلت ايوه طبعا لان كان معايا بطاقة من سن18 سنة لحد السنة الى فاتت وبعدين اتسرقت مع الشنطة وانا بصلى فى المسجد الى جنب بيتنا ورحت اطلع غيرها ولحد الان لم استلمها ،مش عارفة اعمل ايه اعلم على لا للاسف كمان ولا خلاص كده ؟
علشان انقل عندى الاستفتاء على المدونة اعمل ايه لان انا لسة كى جى ون فى النت .
أبنى الحبيب عبد الله
ردا على تعليقك الذى بهرنى و أعاد للذهن أعوام 67،69 ،73 أرجوك تابعنى
بأستمرار ففى المحلة الكبرى كانت هجرة 69 و التى قضينا فيها فترة من أهم فترات العمر..
وبالنسبة للبوست
أبنى العزيز هذه حكومة التنازلات
و الذل و المهانة فلا تهتم بقراراتها
فهى خاوية و تنظر للشعب من أعلى
دمت أبن و صديق
إرسال تعليق