الخميس، ١ مايو ٢٠٠٨

ياعم وانا مالي دانا بجري على عيالي
سمعتها من عم مصري وبفمه قالهالي
قلت طوابير مرميه طب وانا مالي
انتخابات محليه خليني انا ف حالي
بلدنا اهي خربت انا ليا احوالي
بلطجيه وبتحرق بعيد عن عيالي
حراميه وبتسرق ما تروحوا للوالي
دي بلدنا يا حجيج ما هي بلد خالي
روحوا له واحكوا له اصله ملوش غالي
يمكن ييجي معاكم وتخفوا احمالي
وقولوا له ابن اختك قال .. سيبوني لعيالي
وادي دقني اهه ان قال غير كلمة "وانا مالي"

هناك ٣ تعليقات:

maiosha يقول...

مش قولتلك يا سيدى هى دى أهم جملة الواحد لازم يحفظها فى البلد دى
طب وأنا مالى طب وأنا مالى
وسمعنى سلام " خلى السلاح صاحى"

2ensan wnsan يقول...

وانا مالي يا عم وانا مالي

في جمل تانيه على فكره لازم تتحفظ
( امشي جنب الحيط ) ( ركز في مصلحتك )

وسمعني سلام " ما شربتش من نيلها شربت لحد اما جالي فشل كلوي وفيرس سي يا باشا "

فرنسا هانم يقول...

اعلق ليه ؟؟؟؟؟؟

وانا مااااااااااااااااااالى