العلاوه جت اهلين وسهلين

العلاوه ال30% جت وكله بقى قاعد يحسب هيعمل بيهم يعني واحد بياخد 180 جنيه شهريا يعني ال30% بتوعه 54 جنيه بيفكر بقى ( انا هصرف نص العلاوه واشيل النص لحد اما اعمل مبلغ حلو كده ( 135 جنيه في 5 شهور ) اجيب لي بيهم قميص وجزمه ماركة عليه العوض ويبقى كده حلو اوي احنا هننهب وال5 شهور اللي بعدهم اجيب البنطلون بقى ( يكونوا دابوا يا حلو ) ولا اللي بياخد 350 جنيه يفكر هو كمان ال30 % ليه (105جنيه ) ( انا مأجل ايه بقالي سنه حقنتين انسولين لامي ودرس كيميا للواد دا ثانويه عامه وعليه الاختيار ( امي ولا ابني امي ولا ابني وفي الاخر يبيع امه عشان خاطر ابنه و امه ربنا يتولاها بقى ( قال يعني الانسولين بيعمل حاجه ) ولا التالته بقى اللي بتاخد 490 جنيه يعني( المدعوقين %) بتوعها 147 جنيه (30) سنه ولسه ما اتجوزتش ونفسها في حاجات كتير طبعا عايزه تظبط كام كريم على كام ازازة شامبو يمكن حد امه داعيه عليه يقع فيها وتخلص لا بس دي نفسها تاكل فاكهه ناسيه اسمها كيكي كيوي كوكي ايوه هيا كيوي ايه دا دا العلاوه طارت يتحرق الجواز على اللي عايزة تتجوز على الكيكي يوه اسمها الكيوي دلو يتحطوا في دفتر توفير احسن )ماعلينا شفنا بقى اللي بيفكر هيصرف العلاوه ازاي بس هيا تيجي الاول ربنا يستر طبعا محدش فينا شغال في الحكومه عشان يهتم بعلاوة 30% صح.. بس اكيد لينا علاقه بحد هياخدها يا ترى ايه رأيكم في العلاوه دي هل يا ترى هيا علاوة متينه زي ما بيقوللنا سيادته وهتعمل حاجه ولا زي ما بيقول الدستور بيدوا قرص اسبرين لمريض سرطان مش هتعمل حاجه ولا هتأثر معانا بل على العكس ممكن التجار يطمعوا فيهم ويزودوا الاسعار على كل حاجه