الأربعاء، 30 أبريل، 2008

الاحتفال بعيد العمال بثلاث اشكال وثلاث اساليب وثلاث رؤساء من وحي مخيلتي

اولا سلام عليكم وعليكم السلام اتفضلوا اهلا وسهلا بيكم

ثانيا الموضوع دا جه في دماغي وحبيت احطه واشوف رأيكم فيه ايه هيا عباره عن شويه تهيؤات لا اكتر ولا اقل يعن لو التهيؤات دي فيها مشكله يبقى للي كاتبها اللي هو العبد لله مختل عقليا ان شاء الله بدون مقاطعه احسن ما تكون حاجه تانيه
ما علينا المقدمه طويله وممله ورخمه زي اللي كاتبها انا عارف بس لابد منها انا بقولنخش في الموضوع احسن


احنا هنتخيل عيد العمال اللي هو بعد بكره والاحتفالي المهيبه بعمال مصر ( عمار يا اوكرانيا ) وكل رئيس عظيم من اللي حكموا مصر او لسه لحد دلووقتي بيحكمها هيقول ايه في كلمته في الاحتفال دا وايه الطبقه اللي هتكون قدامه وهتكون الاحتفاليه فين


اولا مع الرئيس عبدالناصر الله يرحمه

الاحتفال في مسرح شركة مصر لغزل ونسيج القطن والحضور كلهم ترقب وانتظار لحضور مهيب من الرئيس المحبوب جمال عبدالناصر والحضور من الطبقه العامله وبعض صغار الموظفين الى جانب كبارهم والخلفيات اغاني يغنيها فرقة الثلاثي المرح وفرق الطليعه ( ناصر يا حريا ناصر يا وطنيه ناصر ناصر ناصر ) وفجأه يسود صمت عميق يقطعه تصفيق حاد مع ظهور الرئيس المحبوب برضه (جمال عبدالناصر ) يقطعه صوت عميق يخرج من حنجرة الرئيس المحبوب لسه برضه ( جمال عبدالناصر ) قائلا :
اخواني وابنائي العمال اخواني عمال شركة غزل المحله الكبرى لا بل اخواني العمال في كل ارجاء مصرنا العزيزه قد جئتكم في قلعة الصناعه للاحتفال بكم وبأنجازاتكم وبدأبكم على على العمل لقد جئت احيي كل عامل امام ماكينته قد جئت احيي بناة الحاضر واصل الصناعه المصريه لقد جئت احيي فيكم روح البذل والعطاء اللامحدود لعملكم وصناعتكم المصريه وعايز اقول لكم كلمه صغيره .. وينظر في وجوهم ويقول : اللي حصل يوم 6 ابريل دا مؤامره وانتم مش السبب فيها في قوى خارجيه عايزة تدمر عجله التقدم وتكسر ترس الصناعه والشبابا والبنات اللي اعتقلوا دول اولادنا وبناتنا ومحدش مسهم او مس كرامتهم واحنا خلاص عرفنا المحرضين على اللي حصل ده ولذلك لقد اتخذت قرارا اريدكم جميعا ان توافقوني عليه بل وان تعينوني على تنفيذه .. يخرج صوت من الجموع المتناثره حول الرئيس اللي لسه محبوب ( جمال عبدالناصر ) .. اوعى تتنحى يا ريس

اهدى يا بني مش هتنحى ولكن قراري الذي اود منكم ان تساعدونني عليه هو
قرار رقم واحد يتم الافراج عن جميع شباب المعتقلين في احداث 6 ابريل مع اعتذار رسمي عما عانوه من غربه عن اهلهم اثناء فتره اعتقالهم
قرار رقم اتنين يتم القاء القبض على المدعو (الفيس بوك) مع منعه من السفر

اصوات جموع هيههههههههههههههههههههههههههههههههههيهههههههههههههههههه
هيييييييييييييهههههههههههههههههههههييههههههههههههههههههههههههههيييييييييييهههههه
هه

وتعود الاغاني تعلو مرة اخرى ناصر يا حريه ناصر يا وطنيه ناصر ناصر ناصر

=======

مع الرئيس محمد انور السادات






المكان: مجلس الشعب وجميع الحضور من اعضاءه الكرام الله يحفظهم لنا
الزمان : يوم عيد العمال 1 مايو

في المجلس الموقر وتحت قبته الموقره برضه يقف الرئيس محمد انور السادات على المنصه وينظر في وجوه الجموع من اعضاء مجلسي الشعب والشورى الموقرين

السلام عليكم ورحمة الله وبركاته السلام عليكم تحت قبة هذا المجلس الموقر في الواقع انا مش جاي احتفل بعيد العمال اد ما انا جاي اوضح شوية نقط بسيطه عن مجمل ما حدث في احداث يوم 6 ابريل اللي فات في الحقيقه ان اللي حصل هو ان في فئه قلييله اندست بين عمالنا الشرفا والغريبه بقى ان هذه الفئه القليله هي السبب في كل ما حدث من اعمال الشغب والاضراب والفئه دي كان لازم نجتزها من العمال الصالحين بس للاسف اختلط الحابل بالنابل واتجمع مع تلك الفئه القلييله بعضا من شبابنا الصغيرين التفوا حواليهم والحمد لله وبفضل المعامله الطيبه من رجال الشرطه تمت السيطره عل تلك الفئه القليله والحمد لله شبابانا رجعوا لعقلهم بعدما بان زور وبهتان تلك الفئه القليله وان شاء الله البابا دول هيباتوا في بيوتهم بعد اما اخدنا الفئه القليله لان شبابنا دول لسه صغيرين ومتحمسن وانتوا بقى عارفين حماس الشباب واحنا كنا كده واحنا في سنهم بس المشكله انهم مش عارفين يوجهوا حماسهم احنا هنوجه حماسهم صح خلاص وهما اكيد اكيد عقلوا خلاص
ثانيا وده الاهم اينعم البلد في حالة ركود بسيطه وان شاء الله هتعدي واحنا شغاليين في حلها بس مش معنى كده ان احنا نعمل مظاهرات واضرابات في طرق تانيه سلميه ممكن نتفاهم بيها وادينا في طريقه منهم احنا في هذا المجلس وتحت قبته الموقره اهم قناه للاعتراض وعرض مشاكل الشعب . اهم حاجه كل سنه وعمالنا بخير واحب اطمن كل ام تاني ابنك هيبات النهارده في حضنك بأذن لله تعالى


تصفيق حاد من اعضاء مجلش الشعب

========


الرئيس محمد حسني مبارك اطال الله بقاؤه


المكان : في أرض المؤتمرات بمدينة نصر
الزمان : عيد العمال 1 مايو
اغنيه الخلفيه او ال play back ( اخترناه اخترناه .................ز وعشان كده احنا اخترناه ) :SugarwareZ-071:
الحضور عباره عن الصف الاول ويحتوي على لفيف من الوزراء والمسئولين ورجاالدين على رأسهم فضيلة الامام الاكبر شيخ الازهر
والصف الثاني كبار المسئولين في الدوله ورجال الاعمال واعضاء الحزب الوطني
الصفوف الباقيه عبارده عن مندوبين عن العمال في بدلاتهم السوداء وكروشهم الممتله والممتده مسافة نصف المتر امامهم
يصعد السيد الئيس الى المنصه ليلقي كلمته بعد ان القى الامام الاكبر كلمته عن فضل العمل : السلام عليك ورحمة الله وبركاته اهلا بكم في يوم عيدكم ان الصناع المصريه هي اساس الاقتصاد المصري ولله الحمد فان الصانع المصري يتمتع بقدر كبير من الحرفيه والمهاره في اداء عمله ولله الحمد ان في مصر هؤلاء العمال المهره والحمد لله الذي وفقنا لاسعاد العامل والاهتمام به وبشئونه والسهر على راحته فدائما وابدا كانت سياستنا هي اسعاد العامل للحصول على اكبر قدر من الانتاج والحمد لله ان عمالنا لا يشكون من اي شئ والحمد لله ان ما يحتاجونه يجدونه وهذا ان دل على شئ انما يدل على ان العامل هو الاساس في العمليه الانتاجيه وان سياستنا قد تحققت في اسعاد العامل وبالتالي الحصول على اعلى معدل انتاج والحمد لله ان هذا المعدل في زياده مستمره مما جعلني ومن موقعي هذا اوجه كل الشكر والتقدير الى العامل المصري نعم اليك ايها العامل المصري النبيل نعهم فأنا احترم العامل المصري النبيل الذي يعرف حقوقه ويطالب بها عن طريق القنوات الشرعيه مبتعدا عن كل الدعوات الى الاضراب والاعتصام ولذلك فنحن نلبيها ولكن لا اخفيك سرا انني حزين مما حدث من تلك الفئه المنحله التي استقطبت بعضا من راغبي الشهره وقاموا بأضراب فاشل غير واع بما سينتج عن ذلك وللاسف قام رجال الامن بوالجبهم ولكن للاسف تتحرك كل عواطف الشفقه والرحمه في قلوبهم فيعفوا عن بعضهم ويتركوا البعض الاخر ولذلك قررنا اعتقال كل من شارك في اضراب 6 ابريل ولم يعتقل حتى الان او اعتقل وترك وخاصة كل من قطع صور رمز الدوله رئيس الجمهويه وهذه جريمه يعاقب عليها القانون

واخيرا اقول كل عام وانتم بخير والله الموفق

تصفيقف حاد يخرج من بعده احدهم من وسط مندوبي العمال يحمل بين ثنايا قلبه قصيدة مدح لجلالة الرئيس
اليكم جانبا منها هشتكنا وبشتكنا يا ريس دانتا رئيس والنعمه كويس
ولا تسمع للي يقولك ليس هشتكنا وبشتكنا يا ريس


وبعد ان يتم المدح يخرج احدهم اخر ليصفق ويدعوا للرئيس بطول البقاء

وبعده يخرج ليقول يا ريس يا ريس انا ليا طلب اولادنا المعتقلين ملهمش ذن... cut وعلى شاشات التلفزيون اخترناه اخترناه


سلام يا شباب حد عايز حاه لاحسن بعد كده مش هتلاقوني