السبت، ٢٨ يونيو ٢٠٠٨

اسعافنا فخر الاسعاعافيف ....


بالطبع سيكون اقل رد فعل لك تجاه هذه الصوره هو ابتسامه , او على اقل القليل سيكون رد فعل عادي تجاه صوره عاديه جدا . ولكن للاسف هذه الصوره التي تبدو عاديه ان لم تكن فكاهيه .... حقيقه واقعه ... ان لم تكن بالظبط ولكنها تقترب من حقيقة الاسعاف في مصر . نفس الاستهانه بارواح الناس ... نفس اللامبالاه بنفس بشريه تفصل بين حياتها وموتها دقائق معدوده يضيعونها دون ان تتحرك بداخلهم غريزة حب الحياه التي يتمتعون بها وينكرونها على غيرهم .. في ظل وجود الاسعاف الطائر الذي لا نراه الا في الافلام الاجنبيه والذي يتحرك بمجرد سماعه استغاثه احدهم ... مازال لدينا سيارات الاسعاف المهكعه والأكثر من ذلك المسئولين عن الاسعاف انفسهم اذا جربت ان تتصل برقم الاسعاف من موبايلك لتخبر عن حادثه سيقول لكم سيادته - الذي يتلقى الاتصال - ( اتصل من تليفون ارضي) تفعل كما طلب منك وتتصل من التليفون الارضي يفتح معك محضر طويل عريض ويسألك عن بياناتك الشخصيه انت وليست بيانات المصاب - يسألك عن رقم بطاقتك الشخصيه وعنوان منزلك ووظيفتك وبالطبع اسمك الثلاثي - ثم يحول اتصالك على شرطة النجده ليأخذوا نفس البيانات السابقه - ثم تقوم شرطة النجده بتحويلك مره اخرى للاسعاف ليعدوك بأرسال سيارة اسعاف بأسرع وقت - ولك ان تتخيل ماهية كلمتي - اسرع وقت - لدى سيارة الاسعاف , والحق يقال ان احيانا يعطلها بعد قادة السيارات بعدم افساح الطريق لها دقائق واحيانا ساعات تضيع , وتكون هي الفيصل بين حياه او موت .... وحوادث السيارات التي تحدث بصدام سياره مسرعه لشحص عابر في الطريق دائما ما تنتهي بأن يتحمل احد رجال الخير او اولاد الحلال تكاليف نقل المصاب الي مستشفى خاص بعد ان يكون احد اولاد الحلال الاخرين والتي تعج بهم تلك المواقف - والحمد لله - قد هلك في الاتصال بسيارة الاسعاف وخضع لتحقيق على التليفون وكأنه هو من صدم المصاب ... موقف مشابه حدث امامي عندما صدمت سياره اجره احدى السيدات المسنات وهربت وتطوع احدهم وكان صديقي بالاتصال بالاسعاف وتعرض لاستجواب يوحي لمن يسمعه بأن مسئول الاسعاف يستجوب مجرما لا فاعل خير حقا لقد التمست العذر لفاعل الخير هذا عندما سب وشتم محدثه على الخط الاخر وعندما لعن من وضع هذا الرجل في ذلك المكان الحساس الذي يمس ارواح اناس تتوقف حياتهم على سرعة وصول الاسعاف وبالطبع انتهى الامر بوصول السيده المصابه لمستشفى خاص في سيارة احد اولاد التي تعج بهم مثل تلك المواقف .

هناك ١٠ تعليقات:

tarek momen يقول...

هذا يقودنا الي نتيجة مهمة
ان هناك خلل و تقصير في الشعب المصري
فالوضع الطبيعي ان يهتم متلقي البلاغ ويوجه السيارة اولا ثم يستكمل البيانات وعلي السائق ان يسرع الي موقع البلاغ و علي قادة السيارات ان تفسح الطريق ولكن للاسف كل هذا لا يحدث بينما يتطوع ذوي الشهامة للمساعدة
للاسف كل العملين في هذه الأحهزة الخدمية يتكاسلون عن اداء واجبات وظائفهم بحجة ان المرتب قليل و" علي قد فلوسكم"
وهذا تقصير من الحكومة لكن ايضا عليم ان يراعوا ضمائره ويقدموا الخدمة للشعب لان هؤلاء هم اهاليهم و ليس لهم ذنب ان الحكومة مقصرة ولكي يبارك لهم الله في مرتباتهم القليلة الي ان تنزاح الغمة و ييسر الله لهذا البلد ناس يحكمون بالعدل
وقيل زمان " من اعمالكم سلط عليكم"

كراكيب يقول...

اولا: حاولت كتير احط صورة متحركة في البلوج بتاعي بس للأسف كانت بتفضل واقفة ومش بتتحرك...
ايوة الكلام ده معناه اني بحقد
ايوة ايوة.. في حاجة؟؟

ثانيا: اكيد مش هعرف الاقي تعليق على كلامك لاني اتخنقت من كتر المشاكل والسلبيات اللا نهائية اللي بتمر في بلدنا العريقة الحبيبة الحفيفة مصر
ومش هعرف غير اني اقول زي محمد هنيدي
"لـنــا اللـــه"

miro

اسلام الحضرى يقول...

فعلا ذلك ما يحدث مع من يتصل بالاسعاف
والاعظم اذا اخذت المصاب وذهبت به اللى المستشفى يتم عمل محضر لك انت واذا توفى يجب عليك انت تثبت انك انت لست الفاعل
ولكن من جهه اخرى ياخذنا اللى استهترار بعض الشباب وتبليغه بلاغات كايديه وهذا ما يسبب بعض عدم تصديق كل من يتصل ولكن ليس بهذه الصوره

شكرا لك

maiosha يقول...

السلام عليكم

أول رد بعد الأجازة . بينى وبينك أنا عمرى ما إتصلت بالإسعاف قبل كده.. بس بعد اللى أنا قريته ده شكلى مش هتصل أبدا

وبعدين ده شيئ طبيعى أى حاجة فى بلدنا دى شغالة بالتصوير البطئ إشمعنا يعنى الإسعاف .. يا عبد الله قول يا باسط

Unknown يقول...

الكلام دة بيقول حقيقة مهمة جدا اننا بنتعامل مع كل حاجة بمنطق انه شغل وبس مافيش مشاعر مافيش اهتمام انسانى ولما تساله ليه يقولك دة شغلى ياعم شغلانة وخلاص والادهى من كدة انه بيمتد لكل حاجة فى حياتنا مابقاش فيه شغف من ناحيتنا تجاه اى حاجة فى الدنيا ودى طبعا كارثة لاننا كدة مش عايشين اساسا...................
بعد كل هذا الصداع اسمح لى ازعق بقى شوية انت ليييييييييييييييييه مش بتيجى عندى بجد يا عبد الله رايك مهم عندى ومش كل مرة هاجى اعزمك وقد ازعر من ازعر

2ensan wnsan يقول...

tarek momen

فعلا وهو دا الهدف من البوست ان ما بيهموش الا انه يخلص شغله من غير ما يراعي حياة الناس اللي متوقفه على الدقايق اللي بيضيعها دي

وفعلا في ناس كتير بتتعامل على قد فلوسكم من غير ذمه ولا ضمير

شكرا على تعليقاتك اللي بتشجعني دايما وآسف لو كنت مقصر في زيارة مدونة حضرتك .

بس انادلوقتي مشغول اكتر مما كنت ايام الامتحانات .

2ensan wnsan يقول...

كراكيب ..

صباح الفل اولا الصوره اللي انتي بتاخديها دي بترفعيها من على جهازك على طول ارفعيها على اي موقع رفع صور الاول وبعدين ابقى خدي اللينك بتاعها وحطيه في الصور .

لنا الله

وانا مش هعرف ارد عليكي بأكتر من هي دي مصر يا صفيه
بيس

2ensan wnsan يقول...

اه عندك حق فعلا في ناس بتجرب خط الموبايل الجديد في اتصالات بالأسعاف وبالمكافي بس برضه اللي على التليفون ممكن يحس بلهفة المتصل او ل انه واحد بيستهبل

ويا ريت نتخذ خطوه ايجابيه لتوعية الناس دي فعلا .

شكرا لردك وتعليقك

2ensan wnsan يقول...

ميوشه

اهلا بيكي في الاجازه

يا بااااااااااااااااسط


ما تبسطهاش اكتر من كده

بيس

2ensan wnsan يقول...

انجي

حتى لو شغل بس ربنا امر بأتقان العمل ودا اكيد مفيهوش اي اتقان

بس مفيش حد في مصر بيعمل حاجه صح قليل بس اللي بيحاول يغير نفسه بس مش باينين

بس في كلمه قايلها احمد آدم في مشرحيه ليه

الحكومه عامله انها بتدينا مرتب واحنا عاملين اننا بنشتغل وكلهم بيشتغلوا بعض
........................

والله انا مش عارف ارد عند حد خالص ووالله انا دلوقتي مشغول اكتر ما كنت ايام الدراسه
ادعولي بس وعد يوم الجمعه هلف على كل المدونات والتدوينات اللي فايتاني وارد عليها كلها

بيس