يبدو انه قد حُكم علي بالتهييس طوال بقاء الامتحانات - قبحها الله -
بالطبع العنوان صادم بعض الشيء فكيف يتحدث شاب تافه مثلي حديث كهذا بأسلوب كهذا مع رئيس عظيم كالرئيس مبارك - اطال الله بقاءه وسدد خطاه - قولوا آمين - ولكن للحق فأني لا اتحدث ولا اجرؤ ان اتحدث الى رئيس كرئيسنا بهذا الاسلوب - والا انتوا عارفين بيروح فين وبيتفسح ازاي - فمن انا حتى اتحدث هكذا ؟ انا كما قلت شاب تافه ولكن حديثي ايضا تافه ولكنه ليس عن الرئيس مبارك وانما عن لقب قديم كان يكني بالناس بعضهم بعضا ولنقرا هذا الحوار.
عماد حمدي : والله يا مبارك الواحد مش عارف الستات احلوت كده ليه
يحيى شاهين : عندك حق يا مبارك الستات احلوت جدا جدا شفت الحلوه اللي جايه علينا دي
عماد حمدي: ااه انت هتقولي يا مبارك . اه لو كنت لسه شاب دانا كنت روحتلها على طول
يحيى شاهين : انت كبرت وعجزت انما انا لسه يا مبارك
عماد حمدي: ايه يا مبارك انت هتصغر نفسك ولا ايه
يحيى شاهين : عندك يا مبارك انا لسه شباب انت اللي نظرك ضعف ومش شايف - كح كح كح- ومش شايف الشباب والحيويه
عماد حمدي : طب ورينا هتروح تلكمها ازاي يا مبارك
يحيى شاهين : لا اعفيني انا يا مبارك انا عندي معاد تاني يا مبارك
( كتتتتتتتتتتتتتتتتتتتتتتت)(cut)
( حوار من فيلم قديم بيتهيألي اسمه المراهقات)
بغض النظر عن طبيعه الحوار ( المعاكساتيه والمبصبصاتيه ) من اتنين عواجيز الى مزز هذا العصر القديم والساحر
وبامعان النظر فيما يقولونه نتستنتج ان لهم بعد نظر كبير جدا جدا ونظره مستقبليه لا تتوفر الا لعجوز أكل عليه الدهر وشرب
وتلك النظره المستقبيله تتمثل في تكرارهم لكلمة مبارك واعتبارها لقب يدل على التبجيل والاحترام وها هو الان مبارك قد جاء بعد ان استمع الى كل تلك النداءات بل وظل حتى الان مده سبع وعشرون سنه .
في كل حديثهم تسمع كلمه يا مبارك يا مبارك هم اخذوا يطلقون اسمه
ونحن من اختاره في الاغنيه الخالده والباقيه - اخترناه اخترناه -نحن الان في كل حديثنا قد استبدلنا كلمة يا مبارك بكلمه - يا مان - او كلمه - يا برنس - فهل سيأتي الزمن الذي يحكمنا فيه (مان) بجد مش اي كلام او يحكمنا فيه برنس خِرِع . هذا يتوقف على استخدامنا للكلمات اما ان نقول في كل حديثنا يا مان يا مان , او يا برنس او نرضى بالامروالمُرً الواقع واللي تعرفه احسن من اللي ما نعرفوش ونقول يا مبارك يا مبارك الاختيار في ايدك
وصباح التهيييييس العام وصباح الخير يا مصر واخترناه اخترناه
ملحوزززززززززه صغيره
يا ريت تــ( كُتتتتتتتت) (cot)
هناك ٢٠ تعليقًا:
ايه يابني هو امتحان اللغة العربة كان صعب للدرجة دي و لا موضوع التعبير كان عن مبارك عموما امتحان الانجيزي جاي
شد حيلك يا holly مبارك بالأنجليزي
مع الأعتذار لعماد حمدي و يحيي شاهين
هههههههههههههههههه
مش ممكن هتفضل زى ما إنت كارثة متنقلة .. يابنى إنت مش عايز تكمل إمتحاناتك على خير ولا إيه ؟؟ شكلك كده هتكمل إمتحاناتك فى مارينا
على فكرة عندى ليك خبر حلو...
بما إن إمتحان اللغة الإنجليزية لطلاب الثانوية العامة على الأبواب .. فقررت أنا ميوشة بدأ كورسات إنجليزى مع العلم بإنى فاضلى كام سنة ( حوالى 7 مثلا) وأبقى مدرسة إنجليزى جبارة .. وعلى من يريد الإشتراك المبادرة بدفع مبلغ رمزى 2500 جنية .. مع تمنياتى بالتوفيق والنجاح
يالا إبسط يا عم كورسات بأجور رمزية .. ربنا يخليكى لشباب مصر يا ميوشة
قول أمين
Tarek Momen
لا الحمد لله كان امتحان سهل جدا والحمد لله
التعبير كان عن شخصيه هي المفروض الامل في المستقبل المشرق والسعيييييد
الف شكر يا مبارك وربنا مع بنت حضرتك
Maiosha
لا يا ستي انا عايز اقضيه في سويسرا
الحمد لله اتنا امتحنت انجليزي السنه اللي فاتت - لأني دخلت السنه اللي فاتت لغه انجليزيه24.5 ورياضه(2) 50 - وذلك كانت لظروف والحمد لله السنه دي معايا عربي وفيزيا واقتصاد واحصاء
والحمد لله السنه خلصت اهه وهو انا المفروض كنت اكون في الجامعه دلوقتي بس ظروف حصلت خلتني ما اخشش العربي والدين والفيزيا
اما بالنسبه للاجور الرمزيه فأنا احب اقولك ان انتي جايه على نفسك اوي 2500 جنيه بس دانتي مظلومه اوي بس اهه كله بثوابه خلي الغلابه يتعلموا
واحب اضم صوتي لصوتك في النداء العام ربنا يخليكي لشباب مصر يا ميوشه
طب بص انا هاقترح اقتراح : انت تلايمها لحد ما تخلص امتحانات عشان مبارك ما يزعلش عشان دة زعله وحش ولو مش مصدقنى اسال عمك ابراهيم عيسى يا معلم ماشى؟؟؟
ممكن تزور مدونتى وتقول رايك فى اخر موضوع؟؟
عبدالله ربنا معاك
عارف يا اخويا اللى انت فية
منهم بقى لله
اما بقى حكاية مدونة ضربة شمس معاكواااااااااااااااا
ايه يا عبد الله التهييس دا كله
طب استنى يا بنى لما تخلص امتحانات و الشتا يدخل كده عشان لما تروح ورا الشمس تبقى تعرف تعيش هناك
بس اظن احسن حاجه اننا منقولش ولا يامبارك ولايامان ولا اى حاجه يمكن محدش يحكمنا خالص ويبقا مننا لنفسنا ونهيص
ولا ايه رأيك ؟
الحمد لله ان العربى كان كويس عقبال باقى الامتحانات يا رب
فى امان الله وسلام مؤقت
اظاهر ان الامتحان اثرت عليكى.....وشكلك كده ناوية تحبيسينا
enjy
قالولي كده برضه زعله وحش جدا
انا بس اخلص امتحانات ياااااااااااه
زرت المدونه وعجبتني جدا جدا ما شاء الله عليكي وعلى دماغك
emo
اه ربنا ينتقم منهم ربنا عالظاااااالم
طبعا معانا يا قمر دا شرف لينا
نور
الامتحانات تأثيرها قوي جدا الفيزيا خلاص لحست دماغي ربنا يستر
بس سؤال هو ورا الشمس حر اوي كده ؟
وبعدين اخوانا في ا. د بياخدوهم صيفي بلبس النوم
يعني عشان الحر وكده
بس فكره والله نلغي الالقاب ونحكم نفسنا بنفسنا فكره ستدخل ان شاء الله في مرحلة النقاش
ايوة كدا عايزين افكار جديده
نورتي المدونه والله
شفقه واحسان
اولا شكرا على زيارة المدونه ثانيا بقى
انا واحد انسان مش واحده انسانه
واظن ان في التدوينه كلها ما اتكلمتش بصيغة المؤنث خالص
دا غير ان اسمي في ملف التعريف عبدالله غنيم
هههههههههههههههههه
هههههههههههههههههه
معلشى يا عبد الله أصلى لما قريت تعليقك الأخير معرفتش أمسك نفسى من الضحك
قولت أرخم عليك شوية
هههههههههههههههههههههههههه
التاج إتحط يا باشا
التاااااااااااااااااااااااااج
ووووووووووووووووووووووووصلللللللل
اللهم قد بلغت
تصدقني لو قلت لك أني أخدت بالي من الحوار دا في بداية فيلم المراهقان ولفتت إنتباهي كلمة (مبارك) ... لكن بجد أنت قدرت تتناول الكلمة بطريقة فنية جدا ... ماشاء الله عليك بجد فنان ...
مش هقولك هايل يا (مبارك)...
ولا هقول الله عليك يا (برنس)...
ولا إيه الحلاوة دي يا (مان) ...
أنا هقولك عجبني تفكيرك يا (إنسان)
يمكن ... ولعل وعسى ولربما وعلى أمل ... تصادف البلد دي كلها إنسان بجد ... مين عارف!!!
تحياتي يا .............. إنسان
عبده بقوللك ايه ..
كلم دعاء مواجهات دلوقتى ضرورى اول ما تقرى الكلام ده ..
او ابتلها نمرة موبايلك على ايميلها وهى هتكلمك ..
سلام ..
ياعم ونبى بقه اروح منكو فين سيب القميص ياعم بشنا دا هوا اجرى يبنى ياعم خليك فى الامتحنات انجح وبعد كدا ابقه كلو بى القفا على وشو مهو الى زى ده افاه فوشو
بصراحة يا جمال
.
.
.
الموضوع ده
يا خرابى
إرسال تعليق