التعقل والعقلانيه كلمتان متلازمتان وليس منا من لا يريد انت يتحلى بما تحمله هاتان الكلمتان من معاني . معاني تدل على الحكمه والوقار والهدوء .... دائما ما اريد ان اكون ذلك الانسان العاقل المتزن , الذي يفكر في كل حركه يقوم بها , ويتروى في كل قرار يأخذه , ويفكر فيما سينتج عن كل خطوه يخطوها... وينظر في مواقع اقدامه . لا انكر اني اتمنى ان يصفني اصدقائي وكل من يعرفني بأني عاقل . بل واسبق سني .. والحق اني على النقيض تماما مع تلك الصفات ...فأنا اتخذ قراراتي بسرعه لا احسد عليها ,لا افكر في عواقب الامور .
ولكني احيانا ارى في ذلك ميزه. وهي بعض الانطلاق والتحرر من كل تفكير وترو.. حريه في التصرفات, تبتعد عن كل ما يمكن ان يقيد الافعال.... هناك مقوله مضمونها يقول ( الدنيا لا تحتاج الى التفكير والعمر قصير على ان يضيع في التفكير في الافعال) .
و الحق ان ما جعلني اكتب هذا الموضوع هو ما فعلته أمس حيث كنت وكعادتي دائما في تلك الفتره ( طهقان, زهقان , متضايق, مخنوق , مش فايق ) ... تلك الفتره الكئيبه من السنه ولتي تجمع بين كل ما يسبب الكآبه من امتحانات ودرجة حراره مرتفعه وتغير في التفكير وتغير في الصداقات وهذا عادة يسبب لي اكتئاب غير واضح المعالم فيه يكثر ضحكي بدون سبب وصمتي احيانا وابتعادي عن اصدقائي وفرض عزله - غير واضحة المدى والمده - على نفسي . وكان مكان هذه العزله في البلكونه . وفي الساعه الثانيه والنصف صباحا ويكاد الشارع يكون خاليا من الماره . والبلكونات المجاوره خاليه من ساكنيها ... اي انني وحيد في ذلك الهدوء والنسيم الجميل .. وضعت سماعات مشغل الاغاني الخاص بالموبايل في اذني وجلست على سور البلكونه استمع لالبوم محمد منير الجديد ومعه بعض اغاني وجيه عزيز . وفجأه - طقت في دماغي - ان اقوم وامشي جيئة وذهابا على سور البلكونه والذي يبعد عن الارض - الشارع - بحوالي خمسة عشر مترا, او اكثر... وبالفعل .. بدون ادني تفكير قمت واخذت اتمشى على السور مرتين جيئة وذهابا .
وبالطبع بعد ان نزلت بأمان على ارضية البلكونه, وفكرت فيما فعلته اخذت في الضحك على مشهد والدتي , وهي تراني وانا اتسكع فوق سور البلكونه, او مشهد الناس وهم ينعون حظ هذا الاحمق الذي سقط من فوق السور وهو يتمشى فوقه . ويعًزون والدته ويلومونها على ترك احمق مثلي ليفعل تلك الافعال التي لا يفعلها عاقل .. حقا اخذت اضحك .. وبالتأكيد لم اخبر والدتي بما فعلته .. متوقعا ردة فعلها وهي ان تقذفني بنفسها من البلكونه .. عقابا لي على ما فعلته ..
موقف حقيقي حدث معي امس .. ولكن هي فكره مجنونه وفعل مجنون فعلته .. ولكنني اشعر بلذة فعل يستنكره الناس اشعر بأن وان كان فعلا بسيطا قليلون فقط هم من يستطيعون فعله وانا منهم ..
احيانا تكون الافعال المجنونه اكثر تعقلا مما هو متفق على انه عاقل
احيانا يجد بعض الناس ان اكثر الافعال الجنونيه في حياتهم هي قيادة سياره باقصى سرعه والاخر يجدها محاولة الانتحار والاخر يجدها ان يثير غضب زوجته ليرى مجموعه من الاكياس البلاستيكيه واحدهم يجدها ان يذهب لقسم شرطه ليبلغ عن ظابط شرطه
الافعال الجنونيه كثيره وتختلف تفسيراتها من جنونيه او عاديه على حسب من قام بها
تاج جه في بالي بعد ما كتبت البوست
هل سبق ان فكرت في افعال مجنونه ؟
هل نفذت احد هذه الافعال ؟
ما هو رد فعل من عرف بتلك الافعال ؟ وهل علم بها احد ؟
ما هو احساسك بعد ان قمت باحد الافعال المجنونه ؟
هل ندمت على فعل جنوني قمت به كاد ان يودي بحياتك ؟
هل سبق ووقفت اما مرآه لتقول لنفسك انك مجنون ؟
يا ترى هتبعت التاج دا لمين
بس الموضوع والاسئله بس التاج دا رايح لـــ ميوشه اللي مش فاشله و لاسامه (شمو نشادر ) ومواجهات وايمو وآبي و عبده الرايق و استاذ احمد رفعت وقضيته
هناك ١٦ تعليقًا:
انا اول مرة اجى هنا بس واضح من كلامك انك دماغ انا كمان قريت البروفايل فتاكدت بما لا يدع مجالا للشك انك دماغ بس دماغ حلوة ... سؤال رفيع بعد ما تمشيت على سور البلكونة مش بالذمة كنت حاسس انك سعيد؟
الف شكر على كلامك الجميل دا
ثانيا انا حسيت اني سعيد جدا جدا
بس ما انصحكيش تعملي الموضوع دا
ثالثا شكر عالزياره والتعليق كمان
كويس انك لما زهقت طلعت على سور البلكونه
انا الحقيقه لما برجع من الشغل مقتول وبعد اللف في الشوارع، ساعات بفضل اتمشى في البيت عندي وبعمل حاجه غريبه، بفتح الثلاجه واقفلها تاني، وابص فيها شويه كده، وبعدها بربع ساعه بفتحها تاني وابص فيها تاني واقفلها تاني، بعمل الحركه دي كذا مه، هتقولي بالتأكيد مش هتلائي فيها جديد، بس الحقيقه مش عارف بعمل كده ليه، يمكن بدل ما أطق لأني تقريبا قاعد لوحدي
ألف شكر يا سيدى على التاج
ده أول تاج فى حياتى كمدونة .. بس واضح إنه هيستنى شوية علشان ظروفى الصعبة.. بس ده بتاعى أنا بقولك أهو
وهتلاقيه عندى قريب إن شاء الله
اعتقد ان كل الناس بيخطر ببالها افكار مجنونة لكن اللي بيسيطر علي نفسه ويقاوم تنفيذ هذه الأفكار هو من يوصف بالتعقل
عادة لما بيستدعيني المدير ويسالني عن الشغل المتاخر بيخطر علي بالي اني امسك فنجال القهوة من امامه و اسكبه فوق راسه واقعد اتخيل منظره و القهوة تسيل علي وجهه وابتسم لكن و لا مرة نفذت الفكرة المجنونة
لكن هاحكيلك تصرف غير عاقل قمت به وندمت علي ذلك فيما بعد
كنت في المصيف ومعايا اولادي وكنت باعلمهم السباحة وكان هناك جزيرة تبعد عن الشاطئ حوالي 300 متر
فقررت اني اجرهم بحبل ربطته في عوامات صغيرة سباحة الي تلك الجزيرة لأعودهم علي الجراة وعدم الخوف من البحر
ونجحت في الذهاب واثناء العودة شعرت بارهاق شديد من سحب الولاد حتي احسست اني علي وشك الغرق وبعد عودتي للشاطئ احسست انها كانت فكرة غبية جدا وليست مجنونة لكن الحمد لله علي كل حال
لورنس العرب
شكلي هجرب اعمل كده ربنا ستر المره دي مين عارف المره الجايه انما فتح التلاجه دا حاجه كويسه
بس فعلا دلوقتي في حاجات كتير مكئبه ومخنقه فالواحد بيعمل اي حاجه ملهاش معنى بطريقه لا اراديه
شكرا على التعليق
maiosha
والله انا لي الشرف ان اول تاج في حياتك التدوينيه يكون مني
ربنا معاكي على الامتحانات يا رب
tarek momen
حقيقه فعلا ان كل واحد بتخطر بباله افكار مجنونه كتير
بس اللي بيكون عنده رويه وفتره تفكير قبل التنفيذ دا اللي بيقدر يحكم نفسه
بس ساعات الضغط بيولد الانفجار لو كان عيك ضغط نفسي كبير اي فكره هتيجي في دماغك هتنفذها من غير تفكير
لا بس فعلا موقفك مع الاولاد ربنا ستر اوي الحمد لله
ههههههههههههههههههههه
لا بجد دماغ عالى عاالى عااالى
أنا بقى بمووت فى الجنون والمجانين بس مش المجانين الرسمى لا المجانين اللى مفروض انهم عاقلين
بحب اوى اعمل حاجاات مجنونة
وميرسى ع التاج الى هيطلع طاقتى الجنونية
وبجد هو جة ع هوايا اوى اوى
ع فكرة
أسامة هيفرح اوى بالتااج..
بيييييييييييس
تاج حرااااااااااام
يا ابنى انا التيجان عندى فى الكوكب صدوا كل يوم اقلع والبس واحد عويناتى يا مجنون
لي الاذيه دى بس ..
طب يا جدع اسألنى بينك وبينى وانا اقوللك ..
انما هتخليني اسيح لنفسى كده قدام البشر ..
يلا يا عم بس الف شكر ع التاج بجد ..
هجاوبه ان شاء الله عندما تحين الفرصه لذلك ..
تحياتى ..
أسامة أمين
تسجيل حضور وسلام
طبعا هذا النوع من الأفعال المجنونة أساسي وضروري ومهم لتكويننا البشري أنا شخصيا كل فترة لازم أعمل حاجه مش طبيعية أو علي الأقل ما عملتهاش قبل كده وخصوصا لما أكون متضايق بس ما أعتقدش أني حامشي علي سور البلكونة !!!! ممكن أنام علي شريط السكة الحديد؟ نفسي أجرب الموضوع ده
looooooooooooooooool
قرأت فى تعريفك لنفسك ان تكره الرومانسية جدا جدا
كنت هامشى، لانى منهم
بس قولت اسلم وادعى لك
ربنا يوفقك يارب دايما
ويسهل لك كل عسير
ويكتبك من الناجحين دوما يارب
تحياتى
ازيك يا برنس..؟؟
اية يابنى أخبار المزاكرة معاااك
واية التهييسات الجامدة دة
والله عسل مووووت
اة صح
اية اللى انت عملتة دة؟؟؟
انا اصلا كان فى دماغى نعمل مدونة تلم
كل الضربشمساويين... المشوشين
وبما انك عملت الخطوة دى
فإنت دلوقتى امامك خيارين لا تالت لهما
اما تتبرع بيها ونتلم كلنا مع بعض
او نعزلك وتبقى لوحدك؟؟؟؟؟؟؟
بس رحمة نفسك لما ما كتبتش فيها حاجة لسة
احنا عاوزينها جامدة مووووز
بس استنى لما تخلص امتحاناتك
ونظبط الموضوع دة
انا اعرف ضربشمساويين كتيير وجارى عرض الموضوع عليهم...
المهم ركز ف المزاكرة
بيييس
إرسال تعليق