صحة الرئيس بالدنيا

مش عارف ليه بعد ما سمعت بالحكم على الصحفي ابراهيم عيسى بالحبس شهرين افتكرت قصيدة ممنوعات بتاعت عمنا احمد فؤاد نجم
وبالذات في الاجزاء دي

ممنوع من الغنا
ممنوع من الكلام
ممنوع من الإشتياق
ممنوع من الإستياء
.......................
مخبر فى كل عقده
عسكر فى كل مينا
يمنعني لو أغير
عليكي أو أطير
إليكي واستجير
.......................
ممنوع من المناقشه
ممنوع من السكات
وكل يوم فى حبك
تزيد الممنوعات

أولا : أذاع أخبار وبيانات وإشاعات كاذبة من شأنها إلحاق الضرر بالمصلحة العامة ، وذلك بان نشر بالعدد رقم 130 من جريدة الدستور والتي يتولي رئاسة تحريرها والكتابة فيها خبرا كاذبا بعنوان " أنباء عن سفر الرئيس مبارك مريض بقصور بالدورة الدموية مما يقلل من نسبة وصول الدم إلي أوعية المخ " وعنوانا أخر أورد فيه " مستقبل مصر مرهون بقرارات عاطفية يتخذها الرئيس لحظة المرض " كما نشر بذات العدد مقالا تحت عنوان " الإلهة لا تمرض تضمن أخبارا وبيانات كاذبة أكد فيها شائعات المرض ، مما أدي إلي انخفاض مؤشر البورصة بصورة غير عادية وتصفية المستثمرين الأجانب لاستثمارات بلغت قيمتها أكثر من ثلاثمائة وخمسين مليون دولار الأمر الذي اضر بالمصلحة السياسية والاقتصادية للبلاد علي النحو المبين بالتحقيقات

دلوقتي مين المُدان في رقص مؤشرات البورصه اللي بتلعب دلوقتي يعني البورصه كده ولا كده في الارض ..

ثانيا : نشر بسوء قصد – وبأحدي طرق العلانية – أخبارا وإشاعات وبيانات كاذبة كان من شأنها إلحاق الضرر بالمصلحة العامة ، بأن نشر بسوء قصد وبطريق الكتابة والرسوم التوضيحية في عددي جريدة الدستور المشار إليهما الأخبار والبيانات والإشاعات الكاذبة موضوع الاتهام السابق ، مواليا تكرار النشر دون اعتبار للثابت من عدم صحتها إذ نشر بالعدد رقم 132 مقالا تحت عنوان " زيارة مبارك إلي برج العرب فشلت في القضاء علي شائعة مرضه " أكد خلاله تلك الأخبار والإشاعات مما الحق الضرر بالمصلحة العامة علي النحو المبين تفصيلا بالتهمة الأولي وبالتحقيقات وطلبت عقابه بموجب المادتين 102 مكررا فقرة 1 و 188 من قانون العقوبات .

احلى حاجه تلفت النظر في الكلام دا كله بسوء قصد دي حلو تفنيد النيه دا وان الواحد يعرف ايه اللي في نية حد تاني ولا دا عندهم هما بس يعني الاوبشن دا نازل مع الفيرجن الجديد اللي بيشوف اللي في النيه .

لا ونوعية القضايا كمان جديده ... ابديت جديد لقضايا تكدير الصفو العام وبث روح اليأس والتشاؤم والتحريض والحاجات دي بقت الحاق الضرر بالمصلحه العامه .. وايه هي اصلا المصلحه العامه ..


قال يعني المصلحه العامه ما كانش فيه الحاق اي ضرر بيها في حوادث العباره والشورى والدويقه والمسرح القومي ..

براءة قاتل الالف نفس وحبس الصحفي شهرين ..

----------------------------------------------------------------------
لا نار ولا حريق الماس الكهربي عالطريق ..

ومازال الماس هاربا .. على الرغم من جريمته الاولي التي لم يمر عليها شهرين اختفي واختفى وخرج الماس الكهربي على الساحه ليرتكب جريمته الاخرى في قلب المسرح القومي وللأسف مازال هاربا ..

بعد حريق المجلس يجي حريق المسرح الخوف لاحسن حاجه تانيه تتحرق اصل لما حصل حرق القاهره كان في نفس السنه وبعد 6 شهور من الحريق قامت الثورة ربنا يستر بقى