إيه يا بلاد يا غريبة .. عدُوة ولا حبيبة؟
في الليل تصحي عيونِك .. و نجومِك مش قريبة
بلاد معرفش ناسها .. و لا عارفاني بيبانها
و ماليش شبر في أساسها .. و لا طوبة في حيطانها
و خطاويَّه غريبة
عالَم رايحة و جايّة .. و أنا مين و فين مكاني؟
و إيه آخر الحكاية؟ و إيه اللي رماني؟
يا خطاويَّه الغريبة
دنيا ولا متاهة؟ دايرة و بندور وراها
في صبحها و مساها .. آهة و راها آهة
يا خطاويَّه الغريبة
*************
النتيجه النهائيه والمنطقيه التي يستنتجها عقل عيل مثلي بلا اي مجهود , للأحداث اللي حصلت في الاسبوعين تلاته تمانيه وعشرين سنه اللي فاتوا ان بلدنا دي غريبه .. غريبه بكل المقاييس .. من ظاهرة الكوارث الغير مبرره , والكوارث التي يُبرأ مرتكبيها , والكوارث التي تنقلب على ضحاياها ويتحول موقفهم من ضحيه الى متهم . او الوعود التي تخلف وحروف النفي التي تسبق الوعود ولا يذكرها الحاكم وانما علينا نحن ان نتفهمها من سياق الكلام . والشرفاء الذين يُتهمون ويُحاكمون , والمجرمون الذين يأخذون البراءه مكافآه لجرائمهم , والكلمه التي تجر صاحبها الى ما وراء القضبان , والسلطه التي تخرج مالكها من خلف القضبان ايضا .. والسلطه التي تعطى لهواة التعذيب والساديه ليصبحوا مسئولين عما خلف القضبان ..
............................................................................
* ان تجد على قناة فضائيه اعلانان حدهما لمنتجع سياحي والاخر لجمعيه خيريه تقبل التبرعات وترى التناقض العجيب والغريب بين الحاله والمستوى الاجتماعي في الاعلانين .. بلد غريبه .
............................................................................
* ان تجد خطابا لحاكم يتحدث فيه عن الصحافه الحره وحرية الكلمه وواجب ان تأخذ الكلمه الصحفيه حريتها ثم بعدها بفتره تجد قضايا للصحفيين ومحاولات لتقييد تلك الحريه من قبل نفس الحاكم الذي وعد بها مسبقا , لا بل تجد القضاء قد رجح كفة الحاكم الذي كان قد وعد بشيء في خطاب سلبه بعد انتهاء الخطاب , لا وخد عندك يعفو الحاكم بقلبه الكبير العطوف الرحيم عمن اعطاه الحريه , و أدانه القضاء عند استخدام تلك الحريه ..بعد ان سلبها منه الحاكم .. بلد غريبه .
............................................................................
* ان تقوم هذه البلد ولا تقعد بسبب مقتل مطربه -لا تحمل جنسيتها وعلى ارض غير ارضها- وتكشف الغموض والملابسات باسرع وقت وتتهم شخصا بذات السرعه و يمر عليها مقتل اكثر من الف شخص- يحملون جنسيتها وبالقرب من اراضيها - مرور الكرام دون ادانه المتسبب الاصلي في الجريمه وكأن الألف شخص لا يعادلون خصلة شعر في رأس تلك المطربه .. بلد غريبه .
............................................................................
* ان تجد الشخص الذي يقبض راتبه في سبيل حمايتك , يبذل وسعه وقصارى جهده في سبيل اذلالك وارهابك ويتلهى بذلك عن حماية ممتلكاتك ويعجز عن تفسير سببا واحدا من اسباب حرائق غريبه في مواقع اغرب .. بلد غريبه .
...........................................................................
* أن تجد تلك الحرائق اصلا بذلك التتابع والترتيب الغريب , وفي تلك المواقع وبذلك الفاعل والمسبب المظلوم - الماس الكهربي - لحرائق بهذا الشكل الغريب .. بلد غريبه .
مش عارف غريبه من الغربه ولا الغربان
هناك ٧ تعليقات:
نقلت احساسى بالظبط اتحداث كتيره حصلت بقت كبيره على عقلنااننا نلاحقها
ربنا يستر
فعلا فى حاجات غريبة بتحصل الاسبوعين تلاتة التمانية وعشرين سنة اللى فاتوا ....... طريقة العرض تحفة .. اسلوبك متماسك جدا الله ينور...والله مش لاقية تعليق غير انى اقولك انى فخورة بيك
اه نسيت اقولك مبروك اللوك الجديد تحفة بجد..........حلو جدا جدا
حمد لله على السلامة يا عبد الله
على فكرة اللوك ده احلى من القديم بكتييييييييييييير
انا دخلت من كام يوم كدة بصيت مش لقيت بلوج اساسا
قولت يا دي النيييييلة هو قفلها واللا اييييه
بس انا جيت تاني اهو ولقيتك الحمد لله
بنيولوك جامد على فكرة
هو انت سودتها علينا بس ماعلينا شكلها حلو برده
بالنسبة بقى للتوبيك
فـ والله مش عارفة اقول ايه واللا ايه
بلد غريبة علشان فاتحة دراعاتها لكل الناس الا ولادها
واللا علشان الناس اللي احنا اصلا نبقى من مسئوليتهم هما اصلا مش شايفنا
واللا علشان كوووول الحاجات اللي انت قولتها في البوست
بس انا مصرة برده على انك حد دماغك حلوة وطريقة كتابتك جامدة يا كابتن عبد الله
;)
miro el niro kwaniro
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في وضع البنر نرسل لك كود البنر
عادى جدا
هى بلد غريبة ومتناقضة
يمكن السبب فى كدة
إنى الناس اللى
عايشين فيها
متناقضين اساسا
الأغرب بقى
إنى ناسها عارفين انها
بلد غريبة ومتناقضة
بس محدش عايز يعرف
ايه سبب تناقضها
والغرابة بتاعتها
وبجد كلامك حلو اوى
والبلوج شكله حلو
ويلا استمر
وربنا يوفقك إنشاءالله
إرسال تعليق