حسبي الله ونعم الوكيل ... كان الرد الطبيعي وابسط شيء يقدمه اهالي ضحايا عبارة السلام 98 .. فالموضوع كله من البدايه مهزله دعك من الحادث نفسه والذي يعد مهزلة المهازل فلا يوجد جبل جليدي لتصطدم به العباره .. ولا مثلث برمودا الذي يلتهم السفن وتختفي فيه .. ولا اي شيء يمكن ان يخرج عن ادراك البشر ..
ان يتم التعامل مع القصيه على انها جنحة قتل خطأ عيب في القضاء المصري .. فكيف بالله عليكم يتحول قتل 1034 شخص الى جنحه قتل خطأ .. تخيل معي اذاً ... تخيل ان احدهم ألقى بقنبله يدويه على جماعه من الناس .. وفي التحقيق قال انه كان يلعب معهم وانه كان في مباراة تنس معهم ... هل سيتم التعامل معها على انها قتل خطأ لعدم وجود نية القتل وانما كانت نية لعب ومرح ...قتل اكثر من الف نفس بشريه بغير حق وتحتسب جنحه قتل خطأ ... اهمال جسيم يودي بحياة اكثر من الف شخص وتتم تبرئة المهمل ..
والطريف في الامر ان من تم النظر له كسبب في الكارثه .. ومن تمت معاقبته في القضيه كان شخصا لا ناقة له ولا جمل في القضيه وهو قبطان العباره الاخرى ... لأنه لم يبلغ في حينها وتمت تبرئة المتهمين الاصليين والرئيسيين ...
دائما ما كان التوصيف الوحيد واللائق بالقضاء المصري هو النزيه والشريف ... قضاء لا يخضع لأي سلطه غير سلطة الحق .. وبالتأكيد سيتغير هذا الانطباع وهذا الرأي تماما بعد ذلك الحكم والذي وصفه النائب العام بأنه عوار ..
اذا دققت النظر في اي من موازين وزارة العدل والموجوده على جدران المحاكم ستجد انها موازين مختله .. لابد وان تهبط كفه ميزان على حساب الاخرى.
في اغنية مصر ياما يا بهيه لعم أحمد فؤاد نجم والشيخ إمام تقول مصر ياما يا سفينه .. مهما كان البحر عاتي .. فلاحينك ملاحينك يزعقوا للريح يواتي .. اللي ع الدفه صنايعي .. واللي ع المجداف زناتي .. واللي فوق الصاري كاشف كل ماضي وكل آتي .. عقدتين والتالته تابته نركب الموجه العفيه .. توصلي بر السلامه معجبانيه وصبيه يا بهيه ..
تتحول مع ظروف العباره مع خالص الاعتذار للشاعر الكبير احمد فؤاد نجم الى مصر ياما يا عباره مهما كان البحر هادي عيالك وشبابك يقولوا في البحر اشهدوا مماتي اللي ع القمه حرامي واللي تحته صبيانه واللي فوق فوق دا ودول شايف وساكت عقدتين وخمسه وسته تخمد القضيه توصلي بحر الغريق هزيله وضعفانه
هناك ١٩ تعليقًا:
متفكرنيش يا عبد الله باليوم ده
كان يوم ما يعلم إلا ربنا
الناس إن كانت زعلت على موت أهاليها مرة
فإتقهرت من الخبر ده ألف مرة
مفيش حاجة نقدر نعملها غير إننا نقول
حسبى الله ونعم الوكيل
نزيه ده مات من بدرى اوى انت لسه واخد بالك
حسبنا اله ونعم الوكيل .
وزى ما بيتقال لابد من يوم تترد فيه المظالم .
القضاء قدامه اوراق .. و الاوراق كلها سليمة لا يشوبها شائبة .. حبكينها صح .. يبقى ده اكيد الحكم السليم !!!!!
لاء و البيه المحامى قال ايه !! عاوز رد شرف و اعتذار من الشعب ( شفتش بجاحة اكتر من كده .. اللى اختشوا ماتوا )و الله سمعته فى العاشرة مساء و هو بيتكلم .
غرامة 10000 جنية ؟؟!! .. يا سلام بحسبة بسيطة كده شوف كل واحد غرق يساوى كااااام ؟؟!!
حسبنا الله و نعم الوكيل
انت بتشك فى نزاهة القضاء المصرى .. لالالالالا قول غير كده .. لا صحيح انت بتهرج مش كده !!!!
هم لعبوها صح ..اوراق سليمة ميه ميه .. حكم عادل ما يخرش الميه ؟؟!!
ربنا يلطف بينا .. ويصلح حالنا و حال بلدنا ( على راْى المثل يا فرعون ايش فرعنك قال : مالقيتش حد يلمنى )
و تذكر قول الرسول (ص) :
( انما هلك الذين قبلكم انهم كانوا اذا سرق فيهم الشريف تركوه و اذا سرق فيهم الضيعف اقاموا عليه الحد )
صدق رسول الله .
و حسبنا الله و نعم الوكيل
يلا سلااااام...(....)
إزيك ياباشمهندز
مهو احنا مش هنعرف نكلمك بعد كدة بقى خلاااص
المهم عوزيناك ياعم
انت منفض لية بس كدة
نورنا دقيقتية بس
وبالنسبة للبوست
نوووو كومنــــــــــــــــــــــت
بيس
الناس اللي ماتت دي عزاهم الوحيد
انهم معاشوش حد ما سمعو الحكم ده
مدونة عيش وحلاوة
ياعبد الله هو دا اللى كان منطظر متزعلش بكره احلى ان شاء الله .
انا اضفت مدونتك عندى على فكره .
السلام عليكم
يا جماعه الحكم ده يدل علي اننا شعب متسامح ايه يعني الف وشويه ماتوا الله يرحمهم ويسامح اللي كان السبب القضاء بيعلمنا ازاي نكون بنعرف نسامح يا جماعه نشكره
حسبي الله ونعم الوكيل بجد
التعليق بتاع احمد افندي الحمد لله انهم ماتوا قبل ما يسمعوا الحكم ده علشان كانوا هيموتوا بالسكته القلبيه والدماغيه ومجموعه سكتات كتير كده فالغرق ارحم
بلا وجع قلب
بوست جامد
وتقبل زيارتي الاولي لمدونتك
ميوشه
والله وفي ناس ولا اتأثرت بأي حاجه ..وفي ناس ملهاش علاقه بالموضوع واتنرفزت واكتأبت
حسبي الله ونعم الوكيل
آبي
يااااااااه نزيه مات لا حول ولا قوة الا بالله
غير معرف
لابد من يوم معلوم تترد في المظالم أمل بعيد مين عالم لما ييجي اليوم دا هنكون في الدنيا ولا لا
ولا هيكون يوم عالظالم دا لوحده
غير معرف
حاشا وماشا وفاشا اني اشكك في نزاهة القضاء المصري بس اما يطلع قرار من رئيس الجمهوريه بالسماح لعدد من ظباط الشرطه بالدخول في سلك القضاء كوكلاء نيابه من 10 سنين لحد ما يبقوا قضاه في الوقت اللي احنا فيه دا يبقى ايه
حسبنا الله ونعم الوكيل
دعاء مواجهات
والله ابدا بس مشغول ومش عارف اعمل اي حاجه خالص
بس ليه نو كومنت
أحمد أفندي
لا حول ولا قوة الا بالله
عزاء المظلوم انه ما سمعش بظلمه
حسبي الله ونعم الوكيل
هاني علوان
بصراحه انت عندك كمية تفاؤل تحسد عليها
يا رب يكون بكره احسن
شرف لي اضافتك مدونتي شكرا ليك
ديدو
احب انا التعليقات دي
داحنا متسامحين جدا جدا بس يا ريت لو عملت حاجه يبقى في تسامح
27-7-2008 وصمة عار فى تاريخ القضاء المصرى
يعنى الحاجه الوحيده اللى كان الشعب مهما يحصله يقلوله الثقه فى القضاء المصرى وبس
وعلى راى كريم عبد العزيز فى فيلم ابو على الى هيقول كلمه تانيه فى قاف ونون هولع فيه
وسلمولى على مصر سلمولى
عبد الله بيييييه
دي المرة السبعتاشر اللي ادخل فيها بلوج والاقي الناس بتتكلم على الموضوع ده
وكل واحد واخده بطريقة شكل
وبصراحة الموضوع يستحق يعني مش هزار هو
ويستحق كمان اننا كلنا بقى نرفع ايدينا كدة لربنا ونقول
حسبي الله ونعم الوكيل
محدش هيقدر عليهم غيرك يارب
نكدونا وقرفونا اكتر ما احنا متنكدين
حـسبي الــله ونعــم الوكـيــل
انت زعلان ليه ان القضية جنحة
ايه يعني الف وكام واحد
هو المصري بكام النهارده؟؟
إرسال تعليق